De Podcast vun Catrin Fritsche-Cardell un Gaby Becker-Jensen is intwüschen flietig mal höört wurrn, albald an de 1000 Mal.
Veele Hörerinnen und Hörer hebbt uns en
masse Moot maakt, op de richtige Weg to sien mit dat, wat dor entsteiht. Sogar en ganz junge Redakteurin vun de Husumer Nahrichten weer begeistert. So keem de Podcast unvermodens op de erste Zeitungssiet.
Dorna harrn de beiden Dörpsdeerns Lust, uk direkt in Immenstedt produzeren un Eckhard Abel, de Börgermeester, see: „Datt kann geern losgahn. Dat is uk Werbung för unse Dörp.“ Denn gung dat Anfang Oktober los, un nu kamen de nächsten Bidräge direkt vun dor. Gaby un Catrin, de „Oolen Dörpsdeerns“, hebbt sik bannig freut över so veel Entgegenkamen und uk markt, wat dat utmakt, wenn man direkt ut`t Dörp senden kann. „Wi weern so inspireert un kunn op Mal veel mehr denken vun dat, wat fröher los ween is“, meente Gaby. Catrin full op: „So veel Fründlichkeit vun alle Kanten, egal, ob Dörpslüüd, Börgermeester oder Reinmaakfro in`t Dörpshuus.
Kloor wurrn is för beide: Wi hebbt lütte beten wat bewegt mit unse Podcasts un dat Dörp bewegt sik mit uns lang. Dat freut uns ganz dull.
Unse Link: https://spotify.link/2htgucQEKDb
Man kann uns ok schrieven: